|
Til oss kjem barnehagar som har lange tradisjonar med overnattingsturar i mars/april, der ungane rett ut om døra kan boltra seg i 2 m snø: Grava snøholer, stå på ski eller nytta akebakken ... Nye og spanande opplevingar for små og store!
Her er nokre av dei du møter på Mjølfjell Ungdomsherberge i sommar
Me har store og romslege mat- og opphaldsrom, leikerom og TVrom. Me har gode tørkerom i alle bygningar og skistall. Kiosk open etter avtale.
Barnehageprisar i februar/mars/april (utanom påske): (2012 prisar)
kr 1200,-/1250,-* pr vaksen og kr 835,-/885,-* pr barn.
Prisen inkluderer:
* lokaltog Bergen - Mjølfjell t/r
* transport Mjølfjell - ungdomsherberget
* overnatting i 4-sengsrom i 2 døgn
* 1 dag med pølse og saft ute
* frukost, lunch (nistepakke dag 2) og middag i 2 døgn
* tur med snøscooter og raftingbåt
* Onsdag til fredag pga. dyrare togtransport om fredag
Sengetøy er ikkje inkludert i prisen, men kan leigast for kr. 70,- pr sett, eller de kan ta med eige sengetøy eller lakenpose.
NB! Det er ikkje lov å bruka sovepose!
Litt informasjon:
Me ordnar med togbilettar. Dei kan hentast på NSB reisesenter i Bergen.
Me må vita eksakt tal på barn og vaksne 2 veker før avreise.
Faktura på reise og opphald vert sendt når bilettane vert tinga. Fakturaen kan betalast på førehand eller ved innsjekking.
Toget går frå Bergen kl. 08:40. Det kjem til Mjølfjell stasjon kl. 10:30.
Der blir gjestene henta med buss og køyrt til ungdomsherberget der dei får tildelt rom. Etterpå vert det servert ein lett og barnevenleg lunch. Etter maten kan gjestene driva med uteleik og boltra seg i snøen utanfor ungdomsherberget....
Mellom kl. 18:00 og 19:00 vert middagen servert. Det er hovudrett og dessert + kaffi til dei vaksne. Etter middag er det sengetid for dei små og sosialt samvær/kviletid for dei store....
Neste dag er det frukost mellom kl. 08:00 og 09:00. Då må ein smørja nistepakke og ein får utdelt saft og pølser. Ved til bål kan hentast i stallen. Dei fleste har då ski- og snøaktivitetar i aktivitetsområdet på Kleivane ca 500 m frå ungdomsherberget.
Kl. 18:00 er det middag...
Avreisedagen er det frukost mellom kl. 08:00 og 09:00, og etter frukost må bagasjen pakkast og romma ryddast og kostast før kl. 10:00 (slik at me får gjort klart til neste gruppe som kjem). Dei som vil kan gå i stallen å sjå på dyra.
Frå kl. 11.00 er det snøscooterkøyring på Kleivane og kl. 13:00 vert det servert lunch før bussen går til stasjonen ca kl. 14:00 og toget går til Bergen
kl. 15:15. Ankomst Bergen stasjon kl. 17:05.
Mjølfjell Ungdomsherberge har store og romslege mat- og opphaldsrom. Me har gode tørkerom i alle bygningar og skistall.
Dersom nokon treng eige lokale, så må dette avtalast på førehand.
Me har også kiosk som me kan ha open etter avtale.
Meir info ring tlf. 56 52 31 50 / 900 12 558.
Dersom eit slikt opplegg kan ha interesse for Dykkar barnehage ta gjerne kontakt med oss, telefon 56 52 31 50 / 900 12 558 eller muhas@online.no for nærare informasjon eller be om å få tilsendt vår informasjonsvideo!
Beste helsing vertskapet på Mjølfjell Ungdomsherberge. | 
